Ádilet ministrligi respýblikalyq jeke sot oryndaýshylary palatasymen birlesip, Taraz qalasynda ońtailandyrylǵan atqarýshylyq óndiristi engizý boiynsha pilottyq jobany iske qosty, dep habarlaidy Dalanews.kz
Minisirlik málimetinshe, osyǵan deiin azamattar salynǵan aiyppuldy ýaqytynda ótei almaǵan jaǵdaida, aiyppuldyń 25%-ǵa deiingi somasyn jeke sot oryndaýshyǵa tóleýge mindetti bolatyn. Endi bul qyzmetti robot tegin atqarady.
Jańa jobanyń arqasynda el azamattary 2 mlrd teńgege deiin únemdei alady.
Júie algoritmi myna tártippen jumys isteidi:
- Bas prokýratýranyń quqyqtyq statistika jáne arnaiy esepke alý jónindegi komiteti 50 kún ishinde tólenbegen ákimshilik quqyq buzýshylyq úshin aiyppul somasyn óndirip alý týraly uiǵarym jiberedi.
- Robot 5 kúntizbelik kún ishinde talapty oryndaý qajettiligi týraly SMS habarlama jiberedi.
- Aiyppul boiynsha erikti tólem bolmaǵan jaǵdaida, júie jeke sot oryndaýshysyna májbúrlep oryndaýǵa atqarý paraǵyn usynady.
- Tólem ýaqtyly júrgizilse, atqarýshylyq is júrgizý artyq shyǵynsyz toqtatylady.
Joba sátti júzege asatyn bolsa, ony búkil Qazaqstan aýmaǵyna engizý josparlanyp otyr.
