ادىلەت مينيسترلىگى رەسپۋبليكالىق جەكە سوت ورىنداۋشىلارى پالاتاسىمەن بىرلەسىپ، تاراز قالاسىندا وڭتايلاندىرىلعان اتقارۋشىلىق ءوندىرىستى ەنگىزۋ بويىنشا پيلوتتىق جوبانى ىسكە قوستى، دەپ حابارلايدى Dalanews.kz
مينيسيرلىك مالىمەتىنشە، وسىعان دەيىن ازاماتتار سالىنعان ايىپپۇلدى ۋاقىتىندا وتەي الماعان جاعدايدا، ايىپپۇلدىڭ 25%-عا دەيىنگى سوماسىن جەكە سوت ورىنداۋشىعا تولەۋگە مىندەتتى بولاتىن. ەندى بۇل قىزمەتتى روبوت تەگىن اتقارادى.
جاڭا جوبانىڭ ارقاسىندا ەل ازاماتتارى 2 ملرد تەڭگەگە دەيىن ۇنەمدەي الادى.
جۇيە الگوريتمى مىنا تارتىپپەن جۇمىس ىستەيدى:
- باس پروكۋراتۋرانىڭ قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتى 50 كۇن ىشىندە تولەنبەگەن اكىمشىلىك قۇقىق بۇزۋشىلىق ءۇشىن ايىپپۇل سوماسىن ءوندىرىپ الۋ تۋرالى ۇيعارىم جىبەرەدى.
- روبوت 5 كۇنتىزبەلىك كۇن ىشىندە تالاپتى ورىنداۋ قاجەتتىلىگى تۋرالى SMS حابارلاما جىبەرەدى.
- ايىپپۇل بويىنشا ەرىكتى تولەم بولماعان جاعدايدا، جۇيە جەكە سوت ورىنداۋشىسىنا ماجبۇرلەپ ورىنداۋعا اتقارۋ پاراعىن ۇسىنادى.
- تولەم ۋاقتىلى جۇرگىزىلسە، اتقارۋشىلىق ءىس جۇرگىزۋ ارتىق شىعىنسىز توقتاتىلادى.
جوبا ءساتتى جۇزەگە اساتىن بولسا، ونى بۇكىل قازاقستان اۋماعىنا ەنگىزۋ جوسپارلانىپ وتىر.
