Qazaqstanda Resei azamattaryna berilgen ýaqytsha turýǵa ruqsat qujattaryna qatysty qylmystyq is tekserilip jatqany týraly aqparat tarady, dep habarlaidy Dala News.
Reseilik BAQ málimetinshe, Qazaqstanda jalǵan ýaqytsha turýǵa ruqsat (RVP) qujattaryna bailanysty is qozǵalǵan. Bul isti Ulttyq qaýipsizdik komiteti (UQK) tergep jatqany aitylýda.
Aqparatqa sáikes, is boiynsha áskeri jasyndaǵy ondaǵan Resei azamaty kýáger retinde ótip jatyr. Tergeý 2026 jyldyń aqpan aiynyń sońynda bastalǵan, al jaýap alý birneshe adamnan top-top bolyp júrgizilip jatyr degen málimet bar.
Ýaqytsha turýǵa ruqsat (RVP) – shetel azamattaryna Qazaqstan aýmaǵynda bir jylǵa deiin zańdy túrde turýǵa múmkindik beretin qujat. Ony alý úshin resmi jumys orny jáne turǵylyqty mekenjai boiynsha tirkeý qajet.
Keibir reseilik quqyq qorǵaýshylardyń boljamynsha, tekserý barysynda jalǵan qujattar anyqtalǵan jaǵdaida birqatar Resei azamattary elden shyǵarylýy múmkin.
Alaida qazirgi ýaqytta Qazaqstannyń Ulttyq qaýipsizdik komiteti bul máselege qatysty resmi túsinikteme bergen joq.
