Is-sharaǵa Tótenshe jaǵdailar ministri Iýrii Ilin, «Eurocopter Kazakhastan Engineering» JShS bas direktory Basten Klemens Mari, «Qazaqstan Injiniring»UK» AQ Basqarma tóraǵasy Temirjan Ábdirahmanov, «Qazaqstannyń áýe ákimshiligi» AQ bas direktory Katalin Radý qatysty.
Otandyq óndiristiń áýe kemelerin satyp alý eldiń qorǵanys-ónerkásip keshenin damytýdyń asa mańyzdy faktory bolyp tabylady. Vintti qanatty tehnikanyń sapasy álemdik jetekshi óndirýshi kompaniialardyń qoldanystaǵy standarttaryna, sondai-aq Eýropalyq aviatsiialyq qaýipsizdik agenttiginiń (EASA) ushýǵa jaramdylyq normalaryna sáikes keledi.
Áýe kemeleri «Qazaviaqutqarý» AQ Damý baǵdarlamasy aiasynda satyp alyndy.
Búgingi tańda N145-bul óz klasyndaǵy eń aýyr salmaqty tartqysh qozǵaltqyshty tikushaq. Tikushaq yqshamdy, modýldi salonyna 9 jolaýshyny otyrǵyzý múmkindigi bar, konfigýratsiiany tez ózgerte alady, syrtqy shýy tómen deńgeide. Sondai-aq Safran Helicopter Arriel 2E qýatty qozǵaltqyshtary men 4-osti avtopiloty bar Helionix jańa aviaonikasynyń arqasynda H145 tikushaǵy aviatsiialyq tapsyrmalardyń keń spektrin oryndaýdaǵy eń jaqsy tańdaýlardyń biri bolyp tabylady.
Jańa tikushaqty tiimdi basqarý úshin TJM «Qazaviaqutqarý» AQ aviatsiialyq bólimshesiniń ushý jáne tehnikalyq quramy Germaniianyń Donaývert qalasynda teoriialyq jáne praktikalyq qaita oqytýdan ótti.
H-145 tikushaǵyn izdestirý-qutqarý jumystaryna, halyqqa meditsinalyq kómek kórsetý jáne sanitariialyq is-sharalar júrgizý úshin ushýlarǵa, orman qoryn kúzetý jáne qorǵaý jónindegi aviatsiialyq jumystarǵa tartý josparlanýda.
Tikushaq jiyntyqtary Frantsiianyń Marinian qalasyndaǵy «Airbus Helicopters» zaýytynan jetkizilip, «Qazaqstan injiniring» UK» AQ jáne «Airbus Helicopters» birlesken kásiporny bolyp tabylatyn TMD aýmaǵyndaǵy osy úlgidegi tikushaqtardy qurastyrý jáne olarǵa tehnikalyq qyzmet kórsetý jónindegi jalǵyz kásiporyn - «Eurocopter Kazakhastan Engineering» JShS zaýytynda qurastyryldy.
Qazirgi ýaqytta TJM aviaparki otandyq jáne sheteldik óndiristiń áýe kemelerimen qamtylǵan, onyń ishinde Airbus EC-145, H-145, H-130 tikushaqtary, sondai-aq túrli modifikatsiiadaǵy Mi-8, Mi-26T jáne Ka-32 tikushaqtary bar.
