«2021-2023 جىلدارعا ارنالعان ق ر توتەنشە جاعدايلار مينيسترلىگىنىڭ اۋماقتىق بولىمشەلەرى مەن ۆەدومستۆولىق باعىنىستى مەملەكەتتىك مەكەمەلەرىن ماتەريالدىق-تەحنيكالىق جاراقتاندىرۋ تۋرالى جول كارتاسى» اياسىندا ق ر توتەنشە جاعدايلار مينيسترلىگىنىڭ اۋە پاركى جاڭا H-145 «Airbus Helicopters» تىكۇشاعىمەن تولىقتى، – دەپ حابارلايدى Dalanews.kz «قازاۆياقۇتقارۋ» اق باسپا ءسوز قىزمەتىنە سىلتەمە جاساپ.

ءىس-شاراعا توتەنشە جاعدايلار ءمينيسترى يۋريي يلين، «Eurocopter Kazakhastan Engineering» ج ش س باس ديرەكتورى باستەن كلەمەنس ماري، «قازاقستان ينجينيرينگ»ۇك» اق باسقارما ءتوراعاسى تەمىرجان ءابدىراحمانوۆ، «قازاقستاننىڭ اۋە اكىمشىلىگى» اق باس ديرەكتورى كاتالين رادۋ قاتىستى.

وتاندىق ءوندىرىستىڭ اۋە كەمەلەرىن ساتىپ الۋ ەلدىڭ قورعانىس-ونەركاسىپ كەشەنىن دامىتۋدىڭ اسا ماڭىزدى فاكتورى بولىپ تابىلادى. ءۆينتتى قاناتتى تەحنيكانىڭ ساپاسى الەمدىك جەتەكشى ءوندىرۋشى كومپانيالاردىڭ قولدانىستاعى ستاندارتتارىنا، سونداي-اق ەۋروپالىق اۆياسيالىق قاۋىپسىزدىك اگەنتتىگىنىڭ (EASA) ۇشۋعا جارامدىلىق نورمالارىنا سايكەس كەلەدى.

اۋە كەمەلەرى «قازاۆياقۇتقارۋ» اق دامۋ باعدارلاماسى اياسىندا ساتىپ الىندى.

بۇگىنگى تاڭدا ن145-بۇل ءوز كلاسىنداعى ەڭ اۋىر سالماقتى تارتقىش قوزعالتقىشتى تىكۇشاق. تىكۇشاق ىقشامدى، ءمودۋلدى سالونىنا 9 جولاۋشىنى وتىرعىزۋ مۇمكىندىگى بار، كونفيگۋراسيانى تەز وزگەرتە الادى، سىرتقى شۋى تومەن دەڭگەيدە. سونداي-اق Safran Helicopter Arriel 2ە قۋاتتى قوزعالتقىشتارى مەن 4ء-وستى اۆتوپيلوتى بار Helionix جاڭا اۆياونيكاسىنىڭ ارقاسىندا H145 تىكۇشاعى اۆياسيالىق تاپسىرمالاردىڭ كەڭ سپەكترىن ورىنداۋداعى ەڭ جاقسى تاڭداۋلاردىڭ ءبىرى بولىپ تابىلادى.

جاڭا تىكۇشاقتى ءتيىمدى باسقارۋ ءۇشىن تجم «قازاۆياقۇتقارۋ» اق اۆياسيالىق بولىمشەسىنىڭ ۇشۋ جانە تەحنيكالىق قۇرامى گەرمانيانىڭ دوناۋۆەرت قالاسىندا تەوريالىق جانە پراكتيكالىق قايتا وقىتۋدان ءوتتى.

H-145 تىكۇشاعىن ىزدەستىرۋ-قۇتقارۋ جۇمىستارىنا، حالىققا مەديسينالىق كومەك كورسەتۋ جانە سانيتاريالىق ءىس-شارالار جۇرگىزۋ ءۇشىن ۇشۋلارعا، ورمان قورىن كۇزەتۋ جانە قورعاۋ جونىندەگى اۆياسيالىق جۇمىستارعا تارتۋ جوسپارلانۋدا.

تىكۇشاق جيىنتىقتارى فرانسيانىڭ مارينيان قالاسىنداعى «Airbus Helicopters» زاۋىتىنان جەتكىزىلىپ، «قازاقستان ينجينيرينگ» ۇك» اق جانە «Airbus Helicopters» بىرلەسكەن كاسىپورنى بولىپ تابىلاتىن تمد اۋماعىنداعى وسى ۇلگىدەگى تىكۇشاقتاردى قۇراستىرۋ جانە ولارعا تەحنيكالىق قىزمەت كورسەتۋ جونىندەگى جالعىز كاسىپورىن - «Eurocopter Kazakhastan Engineering» ج ش س زاۋىتىندا قۇراستىرىلدى.

قازىرگى ۋاقىتتا تجم اۆياپاركى وتاندىق جانە شەتەلدىك ءوندىرىستىڭ اۋە كەمەلەرىمەن قامتىلعان، ونىڭ ىشىندە Airbus EC-145، H-145، H-130 تىكۇشاقتارى، سونداي-اق ءتۇرلى موديفيكاسياداعى مي-8، مي-26ت جانە كا-32 تىكۇشاقتارى بار.