Almatyda Qorǵanys ministri, aviatsiia general-leitenanty Dáýren Qosanovtyń qatysýymen Defense Tech IT Park qorǵanys tehnologiialary ortalyǵy ashyldy, dep habarlaidy Dala News.
Jańa ortalyq Armiia úii bazasynda iske qosylyp, Qarýly kúshter men ulttyq qaýipsizdik júiesine arnalǵan otandyq tehnologiialyq sheshimderdi ázirleý jáne engizýge baǵyttalǵan. Joba Freedom Holding Corp. kompaniiasynyń qoldaýymen júzege asyryldy.
Tanystyrylymǵa jasandy intellekt jáne tsifrlyq damý vitse-ministri Dmitrii Mýn, Freedom Holding Corp. bas direktory Timýr Týrlov, sondai-aq IT salasy men ǵylymi qaýymdastyq ókilderi qatysty.
Defense Tech IT Park – Qorǵanys ministrligi 2022 jyldan bastap júzege asyryp kele jatqan Defense Tech bastamasynyń jalǵasy. Alańda qazaqstandyq IT-kompaniialar men startaptar tsifrlyq tehnologiialar, beinebaqylaý júieleri, derekterdi taldaý, telekommýnikatsiialar jáne spýtniktik sheshimder salasyndaǵy jobalaryn usyndy.
Dáýren Qosanovtyń aitýynsha, ortalyqtyń basty maqsaty – innovatsiialyq ázirlemelerdi áskerge jyldam engizý.
Al Freedom Holding Corp. basshysy Timýr Týrlov jańa alań IT salasyndaǵy stýdentter men jas mamandar úshin tájiribe jinaityn ortalyqqa ainalatynyn atap ótti.
Qorǵanys ministriniń tsifrlyq damý jónindegi orynbasary Darhan Ahmedievtiń aitýynsha, Defense Tech IT Park jańa tehnologiialyq jobalardy iriktep, ideiadan bastap prototipke deiin qoldaý kórsetetin jáne olardy áskerde synaqtan ótkizýge múmkindik beretin platforma bolady.
