Bul týraly 31 arna habarlap otyr.
Aitýynsha, ol jaqqa attanǵan qyzdar kóp uzamai jezókshege ainalady eken. Aqmola oblysynda aty tanymal uiymnyń jetekshisi osyndai alańdatarlyq málimet taratty.
Galina Morozovanyń aitýynsha, Qazaqstanda qyzdardy Siriiaǵa attandyryp, keiin jezókshege ainaldyratyn arandatýshy top jumys isteýde eken. Jáne qazir adam saýdasy boiynsha qoǵamdaǵy qater teris aǵymdardan týyndap otyr deidi uiym jetekshisi.
“Uiymnyń ókilderi barlyq oblysta jumys isteidi. Bizde qazir Qazaqstanda jas qyzdardy Siriiaǵa barýǵa úgitteitin top jumys istep jatyr degen aqparat bar.
Bul óte qorqynyshty jaǵdai. Sondyqtan, bizdiń qyzdarymyzdy mundai toptardyń arbaýyna túsip qalmaýǵa shaqyramyn. Qýantatyny, mundai derek Aqmola oblysynda tirkelgen joq”, – deidi Feministik Liga” Qoǵamdyq uiymynyń prezidenti Galina Morozova.
