بۇل تۋرالى 31 ارنا حابارلاپ وتىر.
ايتۋىنشا، ول جاققا اتتانعان قىزدار كوپ ۇزاماي جەزوكشەگە اينالادى ەكەن. اقمولا وبلىسىندا اتى تانىمال ۇيىمنىڭ جەتەكشىسى وسىنداي الاڭداتارلىق مالىمەت تاراتتى.
گالينا موروزوۆانىڭ ايتۋىنشا، قازاقستاندا قىزداردى سيرياعا اتتاندىرىپ، كەيىن جەزوكشەگە اينالدىراتىن ارانداتۋشى توپ جۇمىس ىستەۋدە ەكەن. جانە ءقازىر ادام ساۋداسى بويىنشا قوعامداعى قاتەر تەرىس اعىمداردان تۋىنداپ وتىر دەيدى ۇيىم جەتەكشىسى.
“ۇيىمنىڭ وكىلدەرى بارلىق وبلىستا جۇمىس ىستەيدى. بىزدە ءقازىر قازاقستاندا جاس قىزداردى سيرياعا بارۋعا ۇگىتتەيتىن توپ جۇمىس ىستەپ جاتىر دەگەن اقپارات بار.
بۇل وتە قورقىنىشتى جاعداي. سوندىقتان، ءبىزدىڭ قىزدارىمىزدى مۇنداي توپتاردىڭ ارباۋىنا ءتۇسىپ قالماۋعا شاقىرامىن. قۋانتاتىنى، مۇنداي دەرەك اقمولا وبلىسىندا تىركەلگەن جوق”، – دەيدى فەمينيستىك ليگا” قوعامدىق ۇيىمىنىڭ پرەزيدەنتى گالينا موروزوۆا.
