Qazgidromet qazanǵa arnalǵan aýa raiy boljamyn jariialady, dep habarlaidy Dalanews.kz.
Qazannyń basy
Qazannyń basynda Qazaqstannyń basym bóliginde túngi ýaqytta aýa temperatýrasy -1-6°S, kúndiz +2+9°S bolady.
Biraq birinshi onkúndiktiń ekinshi jartysynda Ortalyq Aziia men Jerorta teńiziniń shyǵys jaǵalaýynan jyly aýa massalary yǵysýyna bailanysty túngi jáne kúndizgi aýa temperatýrasy joǵarylaidy:
- eldiń batysynda túnde +7+12°S-qa deiin, kúndiz +17+25°S-qa deiin;
- soltústiginde, shyǵysynda túnde +2+8°S-qa deiin, kúndiz +10+18°S-qa deiin;
- respýblikanyń shyǵysynda túnde +2+7°S-qa deiin, kúndiz +15+23°S-qa deiin;
- ońtústiginde, ońtústik-shyǵysynda túnde +5+12°S-qa deiin, kúndiz +20+28°S-qa deiin.
Onkúndiktiń sońynda Qazaqstannyń soltústik-batys jartysynda aýa temperatýrasy shamaly tómendeidi.
Qazannyń ortasy
Ekinshi onkúndikte eldiń basym bóliginde qaitadan kún jylynady, aýa temperatýrasy kúndiz +13+18°S-qa, ońtústiginde, ońtústik-shyǵysynda +22+27°S-qa deiin jylynady.
Qazannyń aiaǵy
Úshinshi onkúndikte aýa temperatýrasy tómendeidi. Túnde aýa temperatýrasy -1-6°S-qa deiin, eldiń soltústik, ortalyq jáne shyǵys óńirlerinde -7-12°S-qa deiin, kúndiz 0,+8°S-qa deiin tómendeidi. Eldiń ońtústik jartysynda aýa temperatýrasy túnde -1-6°S-tan +3+8°S-qa deiin, kúndiz +5+13°S-tan +13+20°S-qa deiin aýytqidy.
Osylaisha sýyq aýa raiynan bastalǵan qazan aiy birinshi jáne ekinshi onkúndiktiń ortasynda shýaqty kúnderimen qýantady, biraq aidyń aiaǵynda qystyń jaqyndaǵanyn eske salady.
Bir ai ishinde turaqsyz aýa raiy boljanyp otyr, tuman, kóktaiǵaq bolyp, jel soǵady.
