Qazaqstanda maska taǵý rejimi engizilip jatyr, - dep habarlaidy Dalanews.kz.
Qazaqstannyń bas memlekettik sanitarlyq dárigeri Aijan Esmaǵambetova qaýlyǵa qol qoidy. Qujatqa sáikes densaýlyq saqtaý uiymdarynda maska taǵý rejimi engiziledi.
Sanitariialyq-epidemiologiialyq baqylaý komitetiniń oblystardyń, Almaty, Astana, Shymkent qalalarynyń densaýlyq saqtaý basqarmalarynyń, aýmaqtyq departamentteriniń basshylary:
- "meditsinalyq uiymdarda personaldyń jáne kelýshilerdiń meditsinalyq maskalardy paidalanýyn, antiseptikterdiń bolýyn;
- halyq arasynda COVID-19 koronavirýs infektsiiasynyń, tumaýdyń jáne JRVI profilaktika sharalary týraly aqparattyq-túsindirý jumysyn júrgizýdi qamtamasyz etsin", - delingen qujatta.
Oblystardyń, Almaty, Astana, Shymkent qalalarynyń jergilikti atqarýshy organdaryna, Ortalyq memlekettik organdarǵa, menshik nysanyna qaramastan jeke jáne zańdy tulǵalarǵa:
- "halyq kóp jinalatyn jerlerde (áýejailar, temirjol vokzaldary, avtovokzaldar, bazarlar, saýda-oiyn-saýyq ortalyqtary, saýda úileri, teatrlar, kinoteatrlar, HQKO-y, bankter jáne t.b.), kóliktiń barlyq túrlerinde (qoǵamdyq kólik, áýe, temir jol kóligi) meditsinalyq nemese matadan tigilgen maskalardy paidalanýǵa usynym berilsin", - delingen qujatta.
Elde koronavirýs juqtyrǵandar sany kúrt ósti. DSM Sanitariialyq-epidemiologiialyq baqylaý komiteti málilimetinshe, biyl qańtarda (2023 jylǵy jeltoqsanmen salystyrǵanda) elimizde koronavirýs juqtyrǵandar sany 2,5 ese ósip, 477 derek tirkelgen. Byltyr jeltoqsanda 187 jaǵdai bolǵan.
Virýs juqtyrǵandardyń eń kóp sany Almaty (143 jaǵdai) jáne Astana (74 jaǵdai) qalalarynda.
