Qazaqstanda byltyr qansha adam óndiriste júrip jaraqat alǵany belgili boldy, dep habarlaidy Dalanews.kz.
2024 jyly Qazaqstanda jaraqattaný kórsetkishi 2023 jylmen salystyrǵanda 7,5% -ǵa tómendegen, jalpy 2471 jazataiym oqiǵa tirkelgen. Sonyń ishinde 288 adam toptyq jazataiym oqiǵalar kezinde, 529 adam kásiptik aýrýlardan, 26 adam ýlaný kezinde zardap shekken.
Sondai-aq, óndiristegi ólim-jitim sany da azaiǵan: 24,8%.
Jaraqat alýdyń eń tómengi kórsetkishi Jetisý oblysynda (20 adam), Shymkent qalasynda (30 adam) jáne Soltústik Qazaqstan oblysynda (38 adam) tirkeldi.
Jazataiym oqiǵalar kezinde zardap shekkenderdiń eń kóp úlesi óńdeý ónerkásibinde (32,4%), taý-ken ónerkásibinde (19,4%), sondai-aq, densaýlyq saqtaý men áleýmettik qyzmette (8,3%) baiqalǵan.
Jazataiym oqiǵalar kezinde zardap shekkenderdiń kópshiligi – birinshi aýysymda jumys istegen 30-dan 45 jasqa deiingi bilikti jumysshylar.
