2024 jylǵy 1 jeltoqsanda 77,6 myń otbasyndaǵy 411,3 myń adamǵa ataýly áleýmettik kómek (budan ári – AÁK) taǵaiyndaldy. Biyl osy maqsatqa biýdjetten 54,7 mlrd teńge qarastyrylǵan, dep jazady Dalanews.kz QR Eńbek jáne halyqty áleýmettik qorǵaý ministrligine silteme jasap.
Buryn habarlanǵandai, AÁK-niń negizgi maqsaty – aqshalai tólem túrinde qoldaýdy júzege asyrý jáne otbasynyń eńbekke qabiletti múshelerin jumyspen qamtýǵa járdemdesýdiń belsendi sharalaryna tartý arqyly otbasyn qiyn ómirlik jaǵdaidan shyǵarý.
AÁK mynalardy kózdeidi:
- tabysy óńirlik eń tómen kúnkóris deńgeiiniń 70% - nan aspaityn azamattarǵa toqsan saiyn áleýmettik kómek taǵaiyndaý;
- tabysy az otbasylardaǵy 1 jas pen 6 jas aralyǵyndaǵy ár balaǵa 1,5 AEK (5 538 teńge) mólsherinde ai saiynǵy qosymsha tólem berý. 2024 jylǵy 1 jeltoqsanǵa AÁK alýshylar qatarynan mektep jasyna deiingi 128,8 myń balaǵa 5,0 mlrd. teńge somasyna qosymsha tólem taǵaiyndaldy;
- jumysqa ornalastyrý, óz isin ashýǵa nietti otbasylarǵa granttar berý, biliktilikti arttyrý kýrstaryna jiberý (qajet bolǵan jaǵdaida) jáne basqalar arqyly jumyspen qamtýǵa járdemdesý.
Qazirgi ýaqytta qazaqstandyqtar AÁK taǵaiyndaýǵa ótinishti turǵylyqty jeri boiynsha mansap ortalyǵynda, aýyl okrýginiń ákimine sondai-aq Elektrondyq úkimet portaly (egov.kz) arqyly bere alady.
