Ulttyq statısıka búrosy 2025 jyly turǵyn úı naryǵynda qandaı ózgerister bolǵanyn máliıdedi. Jeltoqsan aıyndaǵy kórsetkishke sáıkes, eń joǵary ósim jalǵa berý naryǵy men ekinshi deńgeıli turǵyn úıde baıqalsa, jańa páterlerdiń qymbattaýy salystyrmaly túrde baıaýlaǵan, dep habarlaıdy Dalanews.kz.
Jańa turǵyn úılerdiń baǵasy jeltoqsanda bir aıda orta eseppen 0,4 paıyzǵa artsa, ekinshi deńgeıli turǵyn úıler 1,2 paıyzǵa, al jalǵa beriletin baspana 2,1 paıyzǵa qymbattaǵan.
Jyldyq esepte jańa turǵyn úılerdiń baǵasy el boıynsha 15,7 paıyzǵa ósti. Eń joǵary ósim Qonaev pen Pavlodar qalalarynda baıqaldy. Almaty men Astanada da baǵa aıtarlyqtaı kóterilgen.
Jeltoqsan aıynyń qorytyndysy boıynsha jańa turǵyn úılerdiń bir sharshy metri orta eseppen 571 myń teńge bolsa, ekinshi naryqta bul kórsetkish 594,7 myń teńgege jetti. Eń qymbat turǵyn úıler Almaty men Astanada tirkelgen.
Jalǵa berý naryǵynda bir sharshy metrdiń ortasha quny 5024 teńgeni qurady. Eń joǵary jaldaý aqysy Almaty men Astanada, al eń qoljetimdi baǵa Taraz ben Túrkistan qalalarynda baıqaldy.
