Jańa jyldyń alǵashqy kúnderinde birinshi surypty unnan jasalatyn áleýmettik mańyzy bar nan Qazaqstanda rekordtyq qarqynmen qymbattady, dep habarlaidy Dalanews.kz.
Birinshi kredittik biýronyń málimetinshe, 30 jeltoqsan men 8 qańtar aralyǵynda el boiynsha nannyń ortasha baǵasy birden 1,8%-ǵa ósken. Bul 2022 jyldyń naýryz aiynan bergi apta saiynǵy statistikadaǵy eń joǵary ósim.
Alaida bul kórsetkish búkil elde birdei qymbattaý bolǵanyn bildirmeidi. 20 qala boiynsha júrgizilgen monitoring nátijesinde 18 qalada baǵa ózgermegen. Semeide nan 0,4%-ǵa ǵana qymbattaǵan. Al kúrt ósim tek Túrkistanda tirkelgen.
Sarapshylardyń aitýynsha, 2025 jyl boiy Túrkistanda nan baǵasy turaqty bolyp, tipti tómendegen. Jeltoqsan sońynda ol bir jyl burynǵy deńgeiden 1%-ǵa arzan bolǵan. Sonyń saldarynan «jinaqtalǵan» ósim jańa jyldyń basynda birden baiqalǵan.
8 qańtardaǵy derek boiynsha Túrkistanda bir keli nannyń ortasha baǵasy 252 teńgeni qurady. Bul respýblika boiynsha ortasha deńgeiden 13%-ǵa joǵary, alaida Almatydaǵy baǵadan 18%-ǵa tómen. Almaty áli de eldegi eń qymbat nan satylatyn qala bolyp otyr.
