جاڭا جىلدىڭ العاشقى كٷندەرٸندە بٸرٸنشٸ سۇرىپتى ۇننان جاسالاتىن ەلەۋمەتتٸك ماڭىزى بار نان قازاقستاندا رەكوردتىق قارقىنمەن قىمباتتادى, دەپ حابارلايدى Dalanews.kz.
بٸرٸنشٸ كرەديتتٸك بيۋرونىڭ مەلٸمەتٸنشە, 30 جەلتوقسان مەن 8 قاڭتار ارالىعىندا ەل بويىنشا ناننىڭ ورتاشا باعاسى بٸردەن 1,8%-عا ٶسكەن. بۇل 2022 جىلدىڭ ناۋرىز ايىنان بەرگٸ اپتا سايىنعى ستاتيستيكاداعى ەڭ جوعارى ٶسٸم.
الايدا بۇل كٶرسەتكٸش بٷكٸل ەلدە بٸردەي قىمباتتاۋ بولعانىن بٸلدٸرمەيدٸ. 20 قالا بويىنشا جٷرگٸزٸلگەن مونيتورينگ نەتيجەسٸندە 18 قالادا باعا ٶزگەرمەگەن. سەمەيدە نان 0,4%-عا عانا قىمباتتاعان. ال كٷرت ٶسٸم تەك تٷركٸستاندا تٸركەلگەن.
ساراپشىلاردىڭ ايتۋىنشا, 2025 جىل بويى تٷركٸستاندا نان باعاسى تۇراقتى بولىپ, تٸپتٸ تٶمەندەگەن. جەلتوقسان سوڭىندا ول بٸر جىل بۇرىنعى دەڭگەيدەن 1%-عا ارزان بولعان. سونىڭ سالدارىنان «جيناقتالعان» ٶسٸم جاڭا جىلدىڭ باسىندا بٸردەن بايقالعان.
8 قاڭتارداعى دەرەك بويىنشا تٷركٸستاندا بٸر كەلٸ ناننىڭ ورتاشا باعاسى 252 تەڭگەنٸ قۇرادى. بۇل رەسپۋبليكا بويىنشا ورتاشا دەڭگەيدەن 13%-عا جوعارى, الايدا الماتىداعى باعادان 18%-عا تٶمەن. الماتى ەلٸ دە ەلدەگٸ ەڭ قىمبات نان ساتىلاتىن قالا بولىپ وتىر.
