Qazaqstanda múmkindigi shekteýli jandar memlekettik áleýmettik járdemaqy mólsherin kóterýdi talap etti, dep habarlaidy Dalanews.kz.
"Múgedektik boiynsha memlekettik járdemaqylardyń mólsherin anyqtaý tetigin qaita qara, atap aitqanda, I toptaǵy múgedektigi bar adamdar úshin koeffitsientti keminde 3,5 eń tómengi kúnkóris deńgeiine deiin arttyrý. II jáne III toptar úshin de laiyq ómir súrý deńgeiin qamtamasyz etý maqsatynda koeffitsientterdi qaita qaraý múmkindigin zerdeleý. Qazaqstan Respýblikasynyń Úkimetine áleýmettik kodekstiń 177-babyna ózgeris engizý jóninde usynys joldaý", – delingen jariialanǵan ótinishte.
Ótinish áleýmettik jelilerde jariialandy. Sondai-aq Eńbek jáne halyqty áleýmettik qorǵaý ministrligine deiin sottyq talap-aryzdyń ázirlengeni aitylǵan.
Múgedektigi bar azamattardyń aitýynsha, qazirgi járdemaqy mólsheri laiyq ómir súrýge jetkiliksiz; Qazaqstan Konstitýtsiiasyna sáikes kelmeidi; sondai-aq Qazaqstan ratifikatsiialaǵan Múgedekterdiń quqyqtary týraly konventsiianyń 28-babynda kózdelgen áleýmettik qorǵaý men ómir súrýdiń jetkilikti deńgeiin qamtamasyz etpeidi, onyń ishinde múgedektikke bailanysty shyǵyndardy óteýge arnalǵan qajettilikterdi de qamtymaidy. Budan bólek, baǵanyń naqty deńgeii, infliatsiia, tamaqtaný, meditsinalyq qyzmet jáne kútimge ketetin shyǵyndar belgilengen járdemaqynyń ádildik qaǵidatyna sai emestigin kórsetedi.
