2026 jylǵy maýsym aiynda turǵyn úidi alyp-satý boiynsha 39 053 mámile tirkelgen. 2026 jylǵy mamyrmen salystyrǵanda (30 420) mámileler sany 28,4%-ǵa ósti. Mámileler sany boiynsha Almaty (6 841 – 17,5%) jáne Astana (6 436 – 16,5%) qalalary, sonymen qatar, Qaraǵandy oblysy (3 772 – 9,7%) kósh bastap tur. Mámileler sany Ulytaý oblysynda eń az – 360 mámile (0,9%) tirkelgen, dep habarlaidy dalanews.kz.
2026 jylǵy mamyrmen salystyrǵanda maýsymda mámileler sanynyń ósýi barlyq óńirlerde baiqalady. Eń joǵarǵy ósim Mańǵystaý (+67,4%), Qaraǵandy (+43,4%) jáne Atyraý (+40,9%) oblystarynda tirkeldi.
Kóppáterli úilerdegi turǵyn úi mámileler sany 2026 jylǵy mamyr aiymen salystyrǵanda 25,9% (6 051 mámilege) ósti. 2026 jyldyń maýsym aiynda páterler boiynsha barlyǵy 29 432 mámile jasaldy, bul mámilelerdiń jalpy sanynyń 75,4%. Kóppáterli úilerdegi turǵyn úi saýdasynyń negizgi úlesi Astana (21,4%), Almaty (21,2%) qalalaryna jáne Qaraǵandy oblysyna (10,5%) tiesili. Bólmeler sany boiynsha 1 bólmeli páterler satylymy basym boldy – 11 348 mámile.
2026 jylǵy mamyrmen salystyrǵanda maýsymda jeke turǵyn úiler boiynsha mámileler sany da 36,7% (2 582 mámilege) ósti. Maýsymda barlyǵy 9 621 mámile tirkelgen. Jeke turǵyn úiler boiynsha mámileler sanynyń ósimi, Shyǵys Qazaqstan oblysyn (-1,4%) qospaǵanda, barlyq óńirlerde tirkeldi.
