2026 جىلعى ماۋسىم ايىندا تۇرعىن ٷيدٸ الىپ-ساتۋ بويىنشا 39 053 مەمٸلە تٸركەلگەن. 2026 جىلعى مامىرمەن سالىستىرعاندا (30 420) مەمٸلەلەر سانى 28,4%-عا ٶستٸ. مەمٸلەلەر سانى بويىنشا الماتى (6 841 – 17,5%) جەنە استانا (6 436 – 16,5%) قالالارى, سونىمەن قاتار, قاراعاندى وبلىسى (3 772 – 9,7%) كٶش باستاپ تۇر. مەمٸلەلەر سانى ۇلىتاۋ وبلىسىندا ەڭ از – 360 مەمٸلە (0,9%) تٸركەلگەن, دەپ حابارلايدى dalanews.kz.
2026 جىلعى مامىرمەن سالىستىرعاندا ماۋسىمدا مەمٸلەلەر سانىنىڭ ٶسۋٸ بارلىق ٶڭٸرلەردە بايقالادى. ەڭ جوعارعى ٶسٸم ماڭعىستاۋ (+67,4%), قاراعاندى (+43,4%) جەنە اتىراۋ (+40,9%) وبلىستارىندا تٸركەلدٸ.
كٶپپەتەرلٸ ٷيلەردەگٸ تۇرعىن ٷي مەمٸلەلەر سانى 2026 جىلعى مامىر ايىمەن سالىستىرعاندا 25,9% (6 051 مەمٸلەگە) ٶستٸ. 2026 جىلدىڭ ماۋسىم ايىندا پەتەرلەر بويىنشا بارلىعى 29 432 مەمٸلە جاسالدى, بۇل مەمٸلەلەردٸڭ جالپى سانىنىڭ 75,4%. كٶپپەتەرلٸ ٷيلەردەگٸ تۇرعىن ٷي ساۋداسىنىڭ نەگٸزگٸ ٷلەسٸ استانا (21,4%), الماتى (21,2%) قالالارىنا جەنە قاراعاندى وبلىسىنا (10,5%) تيەسٸلٸ. بٶلمەلەر سانى بويىنشا 1 بٶلمەلٸ پەتەرلەر ساتىلىمى باسىم بولدى – 11 348 مەمٸلە.
2026 جىلعى مامىرمەن سالىستىرعاندا ماۋسىمدا جەكە تۇرعىن ٷيلەر بويىنشا مەمٸلەلەر سانى دا 36,7% (2 582 مەمٸلەگە) ٶستٸ. ماۋسىمدا بارلىعى 9 621 مەمٸلە تٸركەلگەن. جەكە تۇرعىن ٷيلەر بويىنشا مەمٸلەلەر سانىنىڭ ٶسٸمٸ, شىعىس قازاقستان وبلىسىن (-1,4%) قوسپاعاندا, بارلىق ٶڭٸرلەردە تٸركەلدٸ.
