Qazaqstandyq depýtattar men qoǵam belsendileri eldegi LGBT bastamalarynyń halyqaralyq uiymdar tarapynan qarjylandyrylýyna qatysty jańa derekterdi anyqtaýda, dep habarlaidy Dalanews.kz CMN.kz-ke siltep.
2025 jylǵy aqpan aiynan bastap «Norvegiia Helsinki komiteti», «ILGA-Europe», «Eýraziia Ortalyq Aziia qory» jáne basqa da uiymdar arqyly LGBT qozǵalysyn qoldaýǵa bólingen qarajat týraly aqparat jariialana bastady.
Qoǵamdyq alańda halyqaralyq qorlar arqyly LGBT-aktivisterge 160 mln teńge bólingeni týraly málimetter paida boldy. CMN.KZ portalynyń habarlaýynsha, «Feminita» (Feminita) feministik bastamasynyń teń quryltaishysy Janar Sekerbaeva USAID uiymymen yntymaqtastyqty joqqa shyǵarǵanymen, redaktsiiada bar qujattar kerisinshe derekterdi kórsetýde.
Bar aqparatqa sáikes, 2024 jyldyń tamyz aiynda Almatyda Ortalyq Aziia LGBT qaýymdastyqtarynyń halyqaralyq alańy qatań qupiia jaǵdaida ótken.
Bul is-shara USAID-tiń «Ortalyq Aziiadaǵy adam quqyqtary men teńdikti nyǵaitý» jobasy aiasynda uiymdastyrylǵan jáne «Halyqaralyq lesbi, gei, biseksýal, transgender jáne interseks assotsiatsiiasy» (ILGA) arqyly júzege asyrylǵan. Jýrnalisterdiń málimetinshe, jiyn USAID missiiasynyń basshysy Lýis Riveranyń sóz sóileýimen bastalyp, ol Qazaqstandaǵy LGBT-nyń moiyndalý máselelerine toqtalǵan.
CMN.KZ aqparatyna súiensek, Rivera Qazaqstandaǵy LGBT ókilderiniń quqyqtarynyń saqtalýyna qatysty el saiasatyn synǵa alǵan.
«Aqparat ministrliginde LGBT-ǵa ishinara tyiym salý týraly petitsiia qabyldanǵany belgili. Bul belgili bir máselelerdiń baryn kórsetedi. Mundai repressivti sheshim qabyldanýy, árine, kóńil kónshitpeidi jáne jalpy alǵanda eldegi LGBT ideialaryna qoǵamnyń kózqarasyn kórsetedi», – dep onyń sózin keltiredi basylym.
Sheteldik ókil sonymen qatar, Qazaqstan qoǵamynda LGBT-nyń qalypty qubylysqa ainalyp kele jatqanyn aityp, bul ideologiiany ilgeriletý úshin birlesip jumys isteýge shaqyrǵan:
«LGBT toptarynyń belsendileriniń halyqaralyq uiymdarmen jáne azamattyq qoǵammen úilesimdi jumysy Qazaqstanda ártúrlilikti qabyldaityn qoǵam qalyptastyrýǵa múmkindik beredi».
Atalǵan oqiǵalardan eki ai buryn «Phoenix» adam quqyqtary qoǵamdyq birlestiginiń jetekshisi Baljan Abdýllaeva men Qazaqstandaǵy Fridrih Ebert qorynyń kommýnikatsiia bóliminiń basshysy Jibek Toqtash Janar Sekerbaevamen elektrondyq poshta arqyly bailanysqa shyqqan. Hatta jobany tiisti biýdjetpen jáne tehnikalyq tapsyrmamen júzege asyrý týraly usynys bolǵan.
Qujattarǵa sáikes, joba «keńes jáne Resei biligi tarapynan qazaqstandyq áielderdi qýdalaý» taqyrybyn kórsetýdi kózdegen. Belsendilerge «árqaisymyzdyń jermen jáne keńistikpen bailanysymyzdy kórsetý úshin» kóptildi onlain-karta jasaý tapsyrylǵan. Sondai-aq, joba áielderge ǵana tiesili qoǵamdyq keńistikti iemdený máselesin jáne feministik tájiribeni transformatsiialaýdy talqylaýdy qarastyrǵan.
Bastapqyda taraptar 5 170 000 teńge somasyn kelisken, keiinnen qyzmet kórsetý kelisimi 4 369 000 teńgege jasalǵan. Shot 3 058 300 teńge somasyna feministik qozǵalystyń taǵy bir jetekshisi Gúlzada Serjanǵa jiberilgen. Qujattyń tolyq nusqasyn CMN.KZ materialynan kórýge bolady.
2025 jyldyń 5 naýryzynda AQSh prezidenti Donald Tramp Kongreske jasaǵan úndeýinde túrli elderdegi LGBT-ny qoldaýǵa baǵyttalǵan USAID investitsiialaryn synǵa alǵannan keiin, Qazaqstandaǵy Germaniia elshiliginde «genderlik ártúrlilik» jáne LGBT-ǵa qarsy aqparattyq naýqanǵa bailanysty qoldaýdyń toqtatylýy múmkin degen alańdaýshylyq paida boldy.
2025 jyldyń 17 aqpanynda Germaniia elshiliginiń mádeniet jónindegi attashesi Sasse Fridrih Ebert qorynyń Qazaqstandaǵy ókili Aleksander Frants Volterske LGBT qurylymdarymen yntymaqtastyqty naqtylaýdy suraǵan hat joldady. Bul nemis tarapynyń bedeline nuqsan keltirý qaýpiniń aldyn alý úshin jasalǵany týraly habarlandy.
Aldaǵy jaǵdaidyń damýy Qazaqstan Respýblikasy depýtattary bastaǵan tereń taldaýǵa bailanysty bolmaq, ol AQSh pen Eýropa elderinen LGBT bastamalaryna qarjylai qoldaý kórsetý tetikterine jaryq túsirýi múmkin.
