Astana halyqaralyq forýmynyń plenarlyq otyrysynda Memleket basshysy Qasym-Jomart Toqaev Qazaqstannyń tsifrlyq transformatsiiadaǵy jetistikteri men bolashaq josparlary týraly málimdedi, – dep habarlaidy Dalanews.kz
Prezident óz sózinde elde «CryptoCity» dep atalatyn jańa pilottyq joba júzege asyrylatynyn atap ótti.
«SryptoCity dep atalatyn jańa pilottyq jobany júzege asyrýdy josparlap otyrmyz. Munda kriptovaliýtany azyq-túlik satyp alýǵa, qyzmet tólemine jáne basqa da maqsattarda paidalanýǵa jaǵdai jasalady», – dedi Prezident Toqaev.
Memleket basshysy Qazaqstannyń basty maqsaty – Eýraziiadaǵy jetekshi IT habqa ainalý ekenin aitty.
"Ásirese, jasandy intellektini damytýǵa airyqsha mán berip otyrmyz. Birqatar sheteldik ýniversitettiń filialy bar, zertteý men ázirleý salasyndaǵy seriktestik jolǵa qoiylǵan akademiialyq jáne innovatsiialyq habqa ainalǵymyz keledi. Qazaqstan eń qýatty sýperkompiýterdi iske qosýǵa kiristi. Qazirdiń ózinde bul jumys bastalyp ketti", - dedi Memleket basshysy.
Eske salaiyq, elordada «Astana halyqaralyq forýmy» bastaldy. Úsh kúnge sozylatyn sharanyń bul jolǵy taqyryby ǵalamdyq deńgeidegi máselelerge – yntymaqtastyq pen jańa ideialar arqyly birlese jaýap tabýǵa arnalady. Forýmǵa 4 myńnan astam qonaq qatysady. Onyń ishinde Eýropa, Ortalyq Aziia, Taiaý Shyǵys pen Afrika elderinen kelgen myń jarym sheteldik delegat bar. Jiynda jahandyq qaýipsizdik, klimattyń ózgerýi, energetika, ekonomika jáne syrtqy saiasat máseleleri ortaǵa salynbaq.
