1 maýsym – Halyqaralyq balalardy qorǵaý kúni. Resmi málimetterge sáikes, Qazaqstanda shamamen 6,9 million bala turady. Bul el halqynyń 34 paiyzyn quraidy, dep habarlaidy dalanews.kz.
Keiingi on jylda elimizdegi balalar sany 1,5 millionǵa artqan. Memlekettik organdardyń málimetinshe, búginde Qazaqstandaǵy ár úshinshi turǵyn – bala.
Ulttyq statistika biýrosynyń sońǵy deregine sáikes, 2026 jylǵy 1 sáýirdegi jaǵdai boiynsha Qazaqstan halqynyń sany 20,5 million adamnan asty. Al biylǵy qańtar-sáýir aralyǵynda elde 74 myńnan astam sábi dúniege kelgen.
Memleket balalardyń tek búgingi kúnine emes, erteńgi azamattyq belesine de berik irgetas qalaýdy bastady. Sonyń dáleli – “Ulttyq qor – balalarǵa” baǵdarlamasy. 2026 jyly da elimizdegi kámelet jasyna tolmaǵan árbir jetkinshek osy igi jobanyń tolyqqandy qatysýshysy bolyp qala beredi.
Sondai-aq biyl Qazaqstanda balalardy qoldaýǵa baǵyttalǵan jańa qujat qabyldandy. 2026–2030 jyldarǵa arnalǵan “Qazaqstan balalary” baǵdarlamasy aiasynda balalardyń qaýipsizdigi, densaýlyǵy, sapaly bilim alýy jáne áleýmettik qorǵalýy boiynsha 158 shara iske asyrylady.
Baǵdarlamada erekshe nazar býllingtiń aldyn alýǵa, balalardyń tsifrlyq qaýipsizdigine, psihologiialyq qoldaý júiesin kúsheitýge jáne inkliýzivti bilim berýge aýdarylǵan. Sonymen qatar 2027 jyldan bastap ár balanyń jaǵdaiyn baqylaýǵa múmkindik beretin “Balanyń joly” tsifrlyq júiesin engizý josparlanyp otyr.
