1 ماۋسىم – حالىقارالىق بالالاردى قورعاۋ كٷنٸ. رەسمي مەلٸمەتتەرگە سەيكەس, قازاقستاندا شامامەن 6,9 ميلليون بالا تۇرادى. بۇل ەل حالقىنىڭ 34 پايىزىن قۇرايدى, دەپ حابارلايدى dalanews.kz.
كەيٸنگٸ ون جىلدا ەلٸمٸزدەگٸ بالالار سانى 1,5 ميلليونعا ارتقان. مەملەكەتتٸك ورگانداردىڭ مەلٸمەتٸنشە, بٷگٸندە قازاقستانداعى ەر ٷشٸنشٸ تۇرعىن – بالا.
ۇلتتىق ستاتيستيكا بيۋروسىنىڭ سوڭعى دەرەگٸنە سەيكەس, 2026 جىلعى 1 سەۋٸردەگٸ جاعداي بويىنشا قازاقستان حالقىنىڭ سانى 20,5 ميلليون ادامنان استى. ال بيىلعى قاڭتار-سەۋٸر ارالىعىندا ەلدە 74 مىڭنان استام سەبي دٷنيەگە كەلگەن.
مەملەكەت بالالاردىڭ تەك بٷگٸنگٸ كٷنٸنە ەمەس, ەرتەڭگٸ ازاماتتىق بەلەسٸنە دە بەرٸك ٸرگەتاس قالاۋدى باستادى. سونىڭ دەلەلٸ – “ۇلتتىق قور – بالالارعا” باعدارلاماسى. 2026 جىلى دا ەلٸمٸزدەگٸ كەمەلەت جاسىنا تولماعان ەربٸر جەتكٸنشەك وسى يگٸ جوبانىڭ تولىققاندى قاتىسۋشىسى بولىپ قالا بەرەدٸ.
سونداي-اق بيىل قازاقستاندا بالالاردى قولداۋعا باعىتتالعان جاڭا قۇجات قابىلداندى. 2026–2030 جىلدارعا ارنالعان “قازاقستان بالالارى” باعدارلاماسى اياسىندا بالالاردىڭ قاۋٸپسٸزدٸگٸ, دەنساۋلىعى, ساپالى بٸلٸم الۋى جەنە ەلەۋمەتتٸك قورعالۋى بويىنشا 158 شارا ٸسكە اسىرىلادى.
باعدارلامادا ەرەكشە نازار بۋللينگتٸڭ الدىن الۋعا, بالالاردىڭ تسيفرلىق قاۋٸپسٸزدٸگٸنە, پسيحولوگييالىق قولداۋ جٷيەسٸن كٷشەيتۋگە جەنە ينكليۋزيۆتٸ بٸلٸم بەرۋگە اۋدارىلعان. سونىمەن قاتار 2027 جىلدان باستاپ ەر بالانىڭ جاعدايىن باقىلاۋعا مٷمكٸندٸك بەرەتٸن “بالانىڭ جولى” تسيفرلىق جٷيەسٸن ەنگٸزۋ جوسپارلانىپ وتىر.
