Kásipkerlikti damytýdyń ulttyq jobasy aiasynda 555 myńnan astam adamdy jumyspen qamtýǵa járdemdesý sharalary qolǵa alynyp, shaǵyn jáne orta biznesti qoldaý memlekettik saiasattyń negizgi baǵytyna ainaldy. Kásipkerlik qyzmette adam quqyqtaryn saqtaý boiynsha sharalar qabyldandy: qaýipsiz eńbek jaǵdailaryna qoiylatyn talaptar kúsheitilip, jazasyn ótep jatqan adamdarǵa reintegratsiialaý sharalary qarastyryldy.
Azamattardyń áleýmettik osal sanattarynyń ómirin jaqsartý úshin jańa áleýmettik bastamalar engizildi. Áleýmettik kodeks aiasynda 2023 jyldyń shildesinen bastap múgedekter tsifrlyq platforma arqyly zamanaýi qyzmetterge qol jetkize alady.
Sonymen qatar, múgedekterdiń quqyqtarynyń saqtalýyn jáne olarǵa kórsetiletin qyzmetterdiń sapasyn qadaǵalaityn memlekettik áleýmettik qamsyzdandyrý inspektorlary jumys isteidi. Mektepterdiń 86%-dan astamy qazirdiń ózinde inkliýzivti bilim berýge beiimdelgen jáne bul san ósýde. Elimizde erekshe qajettilikteri bar balalardy súiemeldeitin myńdaǵan mamandar men keńes berý ortalyqtary bar.
Áleýmettik jaǵynan az qamtylǵan azamattardyń quqyqtaryn qalpyna keltirýmen, memlekettik jáne qoǵamdyq qurylymdarmen ózara is-qimyl jasaýmen ainalysatyn Halyqtyń áleýmettik osal sanattarynyń quqyqtary jónindegi ýákil institýtyn qurý mańyzdy qadamdardyń biri boldy.
Sondai-aq elimizde Kásipkerlerdiń quqyqtaryn qorǵaý jónindegi ombýdsmen, investitsiialyq ombýdsmen, bank jáne saqtandyrý ombýdsmeni bar.
