Qazaqstanda bir ǵana kafe ashý úshin shamamen 150 mln teńge qajet, al bir meiramhananyń ortasha quny 1 mlrd teńgege jetedi, dep habarlaidy Dalanews.kz.
«Naryq» saitynyń málimetinshe, 2025 jyly elde bir jyl ishinde 73 meiramhana salynyp, iske qosylǵan. Olarǵa jumsalǵan qarjy kólemi – 74,2 mlrd teńge. Al sol jyly 92 kafe ashylyp, olardyń jalpy quny 14,2 mlrd teńgeni quraǵan.
Eń kóp qoǵamdyq tamaqtaný nysandary Túrkistan oblysynda boi kótergen:
28 meiramhana jáne 21 kafe.
Odan keiin Qyzylorda oblysy tur:
8 meiramhana jáne 14 kafe.
Sarapshylardyń aitýynsha, qoǵamdyq tamaqtaný biznesi tabysty sala sanalǵanymen, bastapqy investitsiia kólemi jyldan-jylǵa ósip keledi. Qurylys, jabdyq, jalǵa alý, kadr jáne sanitarlyq talaptar shyǵyny kásipkerler úshin basty kedergige ainalyp otyr.
