قازاقستاندا ءبىر عانا كافە اشۋ ءۇشىن شامامەن 150 ملن تەڭگە قاجەت، ال ءبىر مەيرامحانانىڭ ورتاشا قۇنى 1 ملرد تەڭگەگە جەتەدى، دەپ حابارلايدى Dalanews.kz.
«نارىق» سايتىنىڭ مالىمەتىنشە، 2025 جىلى ەلدە ءبىر جىل ىشىندە 73 مەيرامحانا سالىنىپ، ىسكە قوسىلعان. ولارعا جۇمسالعان قارجى كولەمى – 74،2 ملرد تەڭگە. ال سول جىلى 92 كافە اشىلىپ، ولاردىڭ جالپى قۇنى 14،2 ملرد تەڭگەنى قۇراعان.
ەڭ كوپ قوعامدىق تاماقتانۋ نىساندارى تۇركىستان وبلىسىندا بوي كوتەرگەن:
28 مەيرامحانا جانە 21 كافە.
ودان كەيىن قىزىلوردا وبلىسى تۇر:
8 مەيرامحانا جانە 14 كافە.
ساراپشىلاردىڭ ايتۋىنشا، قوعامدىق تاماقتانۋ بيزنەسى تابىستى سالا سانالعانىمەن، باستاپقى ينۆەستيسيا كولەمى جىلدان-جىلعا ءوسىپ كەلەدى. قۇرىلىس، جابدىق، جالعا الۋ، كادر جانە سانيتارلىق تالاپتار شىعىنى كاسىپكەرلەر ءۇشىن باستى كەدەرگىگە اينالىپ وتىر.
