2025 jyldyń naýryz aiynyń qorytyndysy boiynsha Qazaqstan Eýraziialyq ekonomikalyq odaq elderi arasynda jumyssyzdyq deńgeii jaǵynan taǵy da birinshi orynǵa shyqty, dep habarlaidy Dalanews.kz.
Eýraziialyq ekonomikalyq komissiianyń dereginshe, naýryz aiynyń sońynda elimizde resmi tirkelgen jumyssyzdar sany 323,7 myń adamdy qurady. Bul – Resei, Belarýs jáne Qyrǵyzstandaǵy resmi jumyssyzdar sanyn qosqandaǵy kórsetkishke shamalas. Jalpy jumys kúshine shaqqanda bul 3,3 paiyzdyq deńgeige teń.
Ótken jylmen salystyrǵanda elimizdegi jumyssyzdyq 0,2 paiyzǵa ósken. Iaǵni, sońǵy bir jyl ishinde jumyssyz retinde tirkelgen azamattar qatary 29,7 myń adamǵa kóbeigen.
Munymen qatar, Halyqaralyq eńbek uiymynyń ádistemesine sáikes, Qazaqstandaǵy jumyssyzdyq deńgeii 2024 jyldyń tórtinshi toqsanynda 4,6 paiyzdy quraǵan.
Aita ketý kerek, EEK usynǵan kórsetkishterge qatysty kúmán kóp. Sebebi, olar eldegi naqty jumyssyzdar sanyn emes, tek resmi túrde tirkelgen adamdardy ǵana esepke alady. Al shyn máninde, EAEO elderindegi kóleńkeli jumyssyzdyq kórsetkishi áldeqaida joǵary bolýy múmkin.
Sarapshylar Qazaqstandaǵy jumyssyzdyq deńgeiine qatysty resmi málimetterge tolyq senýge bolmaitynyn eskertip otyr.
