Qazaqstanda jol qurylysyna bólingen biýdjet qarajatynyń bir bóligi tiimsiz jumsalǵany anyqtaldy, dep habarlaidy Dalanews.kz.
Memlekettik qyzmet isteri agenttiginiń málimetinshe, bul salada júzdegen milliard teńgege qatysty kúmán týdyratyn derekter tirkelgen.
Tekserý nátijesinde:
- birqatar jobalar boiynsha smetalyq qun negizsiz 11 mlrd teńgege arttyrylǵan;
- 362 eskirgen jobalyq-smetalyq qujat anyqtalyp, olardy ázirleýge 23 mlrd teńge tiimsiz jumsalǵan;
- jalpy quny 27 mlrd teńgeni quraityn 324 nysan memlekettik saraptamadan ótpegen.
Sonymen qatar, 70 kompaniia jumys tájiribesine qatysty jalǵan málimet usynyp, jalpy somasy 408 mlrd teńgeniń kelisimsharttaryna qol jetkizgeni belgili boldy. Bul jaǵdai jol qurylysy salasynda baqylaý júiesiniń álsiz ekenin kórsetedi.
