قازاقستاندا جول قۇرىلىسىنا بولىنگەن بيۋدجەت قاراجاتىنىڭ ءبىر بولىگى ءتيىمسىز جۇمسالعانى انىقتالدى، دەپ حابارلايدى Dalanews.kz.
مەملەكەتتىك قىزمەت ىستەرى اگەنتتىگىنىڭ مالىمەتىنشە، بۇل سالادا جۇزدەگەن ميلليارد تەڭگەگە قاتىستى كۇمان تۋدىراتىن دەرەكتەر تىركەلگەن.
تەكسەرۋ ناتيجەسىندە:
- ءبىرقاتار جوبالار بويىنشا سمەتالىق قۇن نەگىزسىز 11 ملرد تەڭگەگە ارتتىرىلعان؛
- 362 ەسكىرگەن جوبالىق-سمەتالىق قۇجات انىقتالىپ، ولاردى ازىرلەۋگە 23 ملرد تەڭگە ءتيىمسىز جۇمسالعان؛
- جالپى قۇنى 27 ملرد تەڭگەنى قۇرايتىن 324 نىسان مەملەكەتتىك ساراپتامادان وتپەگەن.
سونىمەن قاتار، 70 كومپانيا جۇمىس تاجىريبەسىنە قاتىستى جالعان مالىمەت ۇسىنىپ، جالپى سوماسى 408 ملرد تەڭگەنىڭ كەلىسىمشارتتارىنا قول جەتكىزگەنى بەلگىلى بولدى. بۇل جاعداي جول قۇرىلىسى سالاسىندا باقىلاۋ جۇيەسىنىڭ ءالسىز ەكەنىن كورسەتەدى.
