Qazaqstanda jol erejesin jii buzatyn júrgizýshilerge aiyppul jeńildigin alyp tastaý usynyldy. Mundai bastamany senator Marat Qojaev qaita kóterdi, dep habarlaidy Dalanews.kz.
Qazirgi zańnamaǵa sáikes, júrgizýshiler aiyppuldy jeti kún ishinde tólese, onyń 50 paiyzyn ǵana óteýge múmkindik bar. Senator bul jeńildikti bir jyl ishinde birtektes quqyqbuzýshylyqty 10 retten kóp jasaǵan azamattarǵa qoldanbaýdy usyndy.
Onyń aitýynsha, mundai júrgizýshiler 10-shy quqyqbuzýshylyqtan keiingi aiyppuldardy tolyq kólemde tóleýi tiis.
Senator bul bastamany alǵash ret 2025 jyly kótergenin eske saldy. Sol kezde bir júrgizýshiniń bir jyl ishinde kameralar arqyly 143 ret jol erejesin buzǵany tirkelip, ol 3 million teńgeden astam aiyppul tólegeni mysalǵa keltirilgen. Úkimet bul usynysty qarastyryp, qoldaǵan.
Depýtattyń aitýynsha, tiisti ózgerister ákimshilik zańnamaǵa engiziletin kelesi túzetýler paketi aiasynda usynylýy múmkin.
