قازاقستاندا جول ەرەجەسٸن جيٸ بۇزاتىن جٷرگٸزۋشٸلەرگە ايىپپۇل جەڭٸلدٸگٸن الىپ تاستاۋ ۇسىنىلدى. مۇنداي باستامانى سەناتور مارات قوجاەۆ قايتا كٶتەردٸ, دەپ حابارلايدى Dalanews.kz.
قازٸرگٸ زاڭناماعا سەيكەس, جٷرگٸزۋشٸلەر ايىپپۇلدى جەتٸ كٷن ٸشٸندە تٶلەسە, ونىڭ 50 پايىزىن عانا ٶتەۋگە مٷمكٸندٸك بار. سەناتور بۇل جەڭٸلدٸكتٸ بٸر جىل ٸشٸندە بٸرتەكتەس قۇقىقبۇزۋشىلىقتى 10 رەتتەن كٶپ جاساعان ازاماتتارعا قولدانباۋدى ۇسىندى.
ونىڭ ايتۋىنشا, مۇنداي جٷرگٸزۋشٸلەر 10-شى قۇقىقبۇزۋشىلىقتان كەيٸنگٸ ايىپپۇلداردى تولىق كٶلەمدە تٶلەۋٸ تيٸس.
سەناتور بۇل باستامانى العاش رەت 2025 جىلى كٶتەرگەنٸن ەسكە سالدى. سول كەزدە بٸر جٷرگٸزۋشٸنٸڭ بٸر جىل ٸشٸندە كامەرالار ارقىلى 143 رەت جول ەرەجەسٸن بۇزعانى تٸركەلٸپ, ول 3 ميلليون تەڭگەدەن استام ايىپپۇل تٶلەگەنٸ مىسالعا كەلتٸرٸلگەن. ٷكٸمەت بۇل ۇسىنىستى قاراستىرىپ, قولداعان.
دەپۋتاتتىڭ ايتۋىنشا, تيٸستٸ ٶزگەرٸستەر ەكٸمشٸلٸك زاڭناماعا ەنگٸزٸلەتٸن كەلەسٸ تٷزەتۋلەر پاكەتٸ اياسىندا ۇسىنىلۋى مٷمكٸن.
