Qazaqstanda aqyly jol ýchaskelerinde jyldamdyqty shamadan tys asyrý derekteri endi avtomatty túrde ÁİBT óńdeý ortalyǵyna jiberiledi dep habarlaıdy Dalanews.kz «QazAvtoJol»-ǵa silteme jasap.
«QazAvtoJol» málimetinshe, 29 qazannan bastap aqyly avtojol ýchaskelerinde jańa júıe engizildi. Belgilengen jyldamdyq rejımin buzý týraly derekter endi Ákimshilik isterdiń biryńǵaı tiziliminiń Prosesıngtik ortalyǵyna avtomatty túrde jiberiledi.
«Endi jyldamdyqty arttyrý faktileri avtomatty baqylaý doǵalary arqyly tirkelgen jaǵdaıda, aqparat tikeleı ÁİBT-ǵa joldanady. Bul jol qozǵalysy erejelerin buzý úshin jaýapkershiliktiń ashyqtyǵyn, obektıvtiligin jáne bultartpastyǵyn qamtamasyz etedi», — dep habarlady ulttyq kompanıa.
Júıe kóliktiń naqty jyldamdyǵyn tirkep, ony belgilengen shekteýmen avtomatty túrde salystyratyny atap ótilgen. Buzýshylyq týraly derekter ÁİBT-ǵa jiberiledi, onda ákimshilik materıaldar qurylady.
Júrgizýshilerge, ásirese aqyly jol ýchaskeleri men avtomatty baqylaý pýnktterinen ótkende, jyldamdyq rejımin saqtaýǵa keńes beriledi.
