2025 jyly Qazaqstanda 609 orman órti tirkelip, jalpy aýmaǵy 62,7 myń gektar jerdi órt sharpyǵan, dep habarlaıdy Dalanews.kz.

Memlekettik baqylaý, ormandy qorǵaý jáne saqtaý basqarmasynyń basshysy Jolbarys Nıazdyń aıtýynsha, ormandardy órtten qorǵaýdyń tıimdiligin arttyrý maqsatynda 2023 jyldan bastap memlekettik orman ıelenýshilerdiń materıaldyq-tehnıkalyq bazasyn jańǵyrtý júrgizilýde.

2023–2024 jyldary 1 078 dana tehnıka men 1 787 dana órtke qarsy jabdyq satyp alyndy. Olardyń ishinde 118 órt sóndirý avtosısternasy, 242 jyljymaly orman órtke qarsy keshen, 516 traktor men júk kóligi, 202 patrúldik avtokólik jáne basqa da arnaıy tehnıka bar.

Bıyl lızıńtik qarjylandyrý esebinen otandyq óndiristegi órt sóndirý tehnıkasyn jetkizý kózdelgen – 333 órt sóndirý mashınasy jáne 339 traktor. 2025 jyldyń basynan beri 352 tehnıka birligi jetkizildi. Qalǵan orman ıelenýshiler 2026 jylǵy órt qaýpi joǵary maýsym bastalǵanǵa deıin órtke qarsy jabdyqtarmen qamtamasyz etiledi dep kútilýde.

Bul sharalar eldiń eń osal aımaqtaryndaǵy orman jáne tabıǵatty qorǵaý mekemelerin zamanaýı tehnıkamen tolyq jabdyqtaýǵa múmkindik beredi. Jańa órt sóndirý mashınalary orman sharýashylyǵy mamandarynyń qatysýymen jáne sońǵy jyldardaǵy iri orman órtterin sóndirý tájirıbesin eskere otyryp jasalǵan.