Qazaqstanda áskerge shaqyrý jasyn 18-den 20-ǵa ózgertý týraly petısıa paıda boldy, - dep habarlaıdy Dalanews.kz.
Petısıa epetition.kz saıtynda paıda boldy.
"Áskerge shaqyrý jasyn 20 jasqa deıin kóterý áskerı qyzmettiń tıimdiligin arttyryp, jas azamattardyń múddesin qorǵap, Qazaqstannyń qorǵanys júıesinde oń ózgeristerge ákeletinine senimdimiz. Osy ótinishti qarap, mindetti áskerı qyzmetke shaqyrý jasyn ózgertý boıynsha tıisti sharalar qabyldaýyńyzdy suraımyz", - delingen qujatta.
Qujat avtorlary áskerge 20 jastan bastap shaqyrýdyń birneshe sebebin ataǵan:
- Psıhologıalyq jáne fızıkalyq turǵyda jetilý
- Bilimin jalǵastyrý
- Dezertırlik (áskerden qashý) pen quqyqbuzýshylyq deńgeıin tómendetý
- Áskerı daıyndyq sapasyn jaqsartý
- Psıhologıalyq zertteýler boıynsha, jasy eseıgen kezde áskerge baratyn jastardyń áskerden qashý deńgeıi azaıady
- Ózge elderdegi praktıka, mysaly, Shvesıa, Germanıa, Shveısarıa men Avstrıada áskerge 19-20 jastan bastap shaqyrylady.
10 qyrkúıekte jarıalanǵan petısıaǵa ázirge 47 adam qol qoıǵan.
