Qazaqstanda jergilikti polısıa qyzmeti taratyldy, dep habarlaıdy Dalanews.kz.
Memleket basshysy "Qazaqstan Respýblıkasynyń keıbir zańnamalyq aktilerine quqyq qorǵaý qyzmetin jetildirý, quqyq qorǵaý organdarynyń, arnaýly memlekettik organdardyń, azamattyq qorǵaý organdarynyń qyzmetkerlerin jáne áskerı qyzmetshilerdi turǵyn úımen qamtamasyz etý jáne áleýmettik qorǵaý, sondaı-aq ishki ister organdarynyń qyzmeti salasynda artyq zańnamalyq reglamentteýdi bolǵyzbaý máseleleri boıynsha ózgerister men tolyqtyrýlar engizý týraly" Qazaqstan Respýblıkasynyń zańyna qol qoıdy.
Bul zań arqyly "Qazaqstan Respýblıkasynyń ishki ister organdary týraly", "Quqyq qorǵaý qyzmeti týraly", "Turǵyn úı qatynastary týraly", "Quqyqbuzýshylyqtyń aldyn alý týraly", "Daktıloskopıalyq jáne genomdyq tirkeý týraly" jáne basqa da zańdarǵa túzetýler engizildi.
- Túzetýlerdiń birinshi blogy quqyq qorǵaý qyzmetin jetildirýge baǵyttalǵan.
- Túzetýlerdiń ekinshi blogy quqyq qorǵaý, arnaýly memlekettik organdar, azamattyq qorǵaý organdary qyzmetkerleriniń jáne áskerı qyzmetshilerdiń áleýmettik qorǵalý deńgeıin arttyrýdy kózdeıdi.
- Túzetýlerdiń úshinshi blogy ishki ister organdarynyń qyzmetin jetildirýge qatysty. Máselen "Memlekettik apparattyń qyzmetin búrokratıadan aryltý jónindegi sharalar týraly" jarlyqty iske asyrý úshin ishki ister organdarynyń qyzmeti salasyndaǵy zańnamanyń maqsattary, mindetteri men qaǵıdattary, sondaı-aq, ýákiletti memlekettik organdardyń quzyreti naqtylandy. Polısıa qyzmetin uıymdastyrý isin jetildirý maqsatynda jergilikti polısıa qyzmeti taratyldy.
- Túzetýlerdiń tórtinshi blogy sorany ónerkásipte paıdalaný, sondaı-aq, quqyqbuzýshylyqtyń aldyn alý sharalaryn qarastyrady.
- Zańǵa sáıkes Úkimetke esirtki óndirýge nemese daıyndaýǵa qatysy joq, ónerkásiptik maqsatta ósirýge ruqsat etilgen sora suryptaryn anyqtaý quzyreti berildi jáne sorany ónerkásiptik óńdeý tártibi aıqyndaldy.
