Kóleńkeli ekonomikany anyqtaý ádistemelerine ózgerister engizildi. Endi olar jasyryn kiristerdi dálirek anyqtaýǵa múmkindik beredi, dep habarlaidy Dalanews.kz.
Joǵary aýditorlyq palata byltyr jyl sońynda kóleńkeli ekonomikaǵa qarsy kúres boiynsha memlekettik saiasattyń tiimdiligine aýdit júrgizgen. Tekseris barysynda jasyryn jáne zańsyz kiristerdi esepteýdiń qoldanystaǵy ádistemeleri eskirip, kóleńkeli aqshanyń kóptegen naqty kózderin eskermeitini anyqtalǵan.
Nátijesinde baqylanbaityn ekonomikany baǵalaý ádistemesi jańartyldy.
Buryn ol bilim berý, densaýlyq saqtaý jáne bos ýaqyt ótkizý salalaryn tolyq qamtymaǵan. Endi osy baǵyttardy esepteý algoritmderi ózektilendirilip, tolyqtyryldy:
- taýarlardy qaita satý úshin ákeletin jeke tulǵalardyń;
- mal ósirýmen, et satýmen, kartop jáne maily daqyldar ósirýmen ainalysatyn aýyl sharýashylyǵy taýarlaryn óndirýshilerdiń;
- demalys jáne oiyn-saýyq uiymdastyrý, kólik jýý boiynsha qyzmet kórsetetin kásipkerlerdiń;
- QR aýmaǵynda tabys tabatyn shetel azamattarynyń jasyryn kiristerin esepke alýdyń jańa tásilderi engizildi.
Munyń bári resmi statistikaǵa túspeitin kiris kólemin dál baǵalaýǵa múmkindik bermek.
