Ońtústik Qazaqstanda 10 jańa sý qoimasy salynady, dep habarlaidy Dalanews.kz Sý resýrstary jáne irrigatsiia ministrligine silteme jasap.
Sý resýrstary jáne irrigatsiia ministri Nurjan Nurjigitov Jambyl oblysy turǵyndarymen ótken esepti kezdesýde vegetatsiialyq kezeńniń qorytyndysyn shyǵaryp, óńirdegi negizgi jobalar týraly aitty.
2028 jylǵa deiingi sý salasyn damytýdyń keshendi josparyna sáikes, oblysta 10 jańa sý qoimasyn salý jáne 3 sý qoimasyn rekonstrýktsiialaý josparlanǵan. Sondai-aq mamandar 45 gidrotehnikalyq nysanǵa zertteý jumystaryn júrgizedi.
2026 jyly ministrlik Aqmola jáne Qalǵut sý qoimalarynyń qurylysyn, sondai-aq Teris-Ashybulaq jáne Qaraqonyz sý qoimalaryn qaita jańǵyrtýdy bastaidy. Sonymen qatar oblys ákimdigi jeti jańa nysanǵa jobalyq-smetalyq qujattama ázirleýdi qolǵa aldy.
Jergilikti turǵyndar ministrge sýarý arnalarynyń jóndelýine qatysty suraqtar qoidy. Nurjigitovtiń aitýynsha, qazir bes aýdanda uzyndyǵy 415 shaqyrym bolatyn 76 arnany qaita jańǵyrtý jobasy júzege asyrylyp jatyr. Bul 24 myń gektardan astam sýyrmaly alqapqa sý jetkizýdi jaqsartýǵa múmkindik beredi.
Budan bólek, arnalardy qaita jańǵyrtýdyń 23 jobasy aiaqtalýǵa jaqyn. Bul taǵy 19,7 myń gektar egistik alqaptyń sýmen qamtylýyn arttyrýǵa múmkindik beredi. Jyl sońyna deiin jalpy uzyndyǵy 103 shaqyrymnan asatyn bes jobany aiaqtaý josparlanyp otyr.
