Qazaqstanda páter jaldaý quny sońǵy bir jylda edáýir ósti. Ulttyq statistika biýrosynyń málimetine sáikes, jaldamaly turǵyn úi baǵasy orta eseppen 13 paiyzǵa qymbattaǵan, dep habarlaidy Dalanews.kz.
Qazir el boiynsha bir sharshy metrdiń ortasha jaldaý quny 5 myń teńgeden asyp otyr. Eń qymbat páterler dástúrli túrde Astana men Almatyda tirkelgen.
Ósim óńirlerde de aiqyn baiqalady. Ásirese:
Pavlodarda – 42,9%
Petropavlda – 41%
Aqtóbede – 30,4%
Óskemende – 23,1%
Kókshetaýda – 8,5%
Qonaevta – 3,3%
Sarapshylardyń aitýynsha, jaldaý baǵasynyń ósýi halyq úshin eń ózekti áleýmettik problemalardyń birine ainalyp keledi. Turǵyn úidi jalǵa alý kóptegen azamat úshin kúnnen-kúnge qoljetimsiz bolyp barady.
