Premer-ministr Oljas Bektenov Qazaqstanda halyq tabysynyń ósimi ekonomikanyń jalpy qarqynyna ilese almai otyrǵanyn aitty. Qazirgi ýaqytta jalaqynyń jalpy ishki ónimdegi úlesi 31%-dy quraidy, dep habarlaidy Dalanews.kz.
Bul Ortalyq Aziia elderi úshin salystyrmaly túrde joǵary kórsetkish bolǵanymen, Úkimet ony damyǵan elder deńgeiine 40% jáne odan joǵary deńgeige jetkizýdi maqsat etip otyr.
Premer-ministrdiń aitýynsha, keiingi jyldary biznes tabysy jyldam ósip jatqanymen, jalaqy ósimi sol qarqynǵa sai emes. Ásirese, kompaniialar paidasynyń bir bóligi memlekettik qoldaý arqyly qalyptasqanyna qaramastan, eńbekaqynyń ósýi baiaý.
Úkimet 2026 jyly halyqtyń naqty tabysyn arttyrýdy basty basymdyqtardyń biri retinde belgiledi. Osy maqsatta jalaqyny kóterýge arnalǵan qarjylyq jáne salyqtyq yntalandyrý sharalary engiziledi, laiyq jalaqysy bar jańa jumys oryndary qurylady, azamattardyń kásibi daǵdylary men biliktiligin arttyrýǵa basymdyq beriledi. Sonymen qatar halyqtyń qarjylyq júktemesin azaitýǵa baǵyttalǵan bastamalar iske asyrylmaq.
