پرەمەر-مينيستر ولجاس بەكتەنوۆ قازاقستاندا حالىق تابىسىنىڭ ءوسىمى ەكونوميكانىڭ جالپى قارقىنىنا ىلەسە الماي وتىرعانىن ايتتى. قازىرگى ۋاقىتتا جالاقىنىڭ جالپى ىشكى ونىمدەگى ۇلەسى 31%-دى قۇرايدى، دەپ حابارلايدى Dalanews.kz.
بۇل ورتالىق ازيا ەلدەرى ءۇشىن سالىستىرمالى تۇردە جوعارى كورسەتكىش بولعانىمەن، ۇكىمەت ونى دامىعان ەلدەر دەڭگەيىنە 40% جانە ودان جوعارى دەڭگەيگە جەتكىزۋدى ماقسات ەتىپ وتىر.
پرەمەر-مينيستردىڭ ايتۋىنشا، كەيىنگى جىلدارى بيزنەس تابىسى جىلدام ءوسىپ جاتقانىمەن، جالاقى ءوسىمى سول قارقىنعا ساي ەمەس. اسىرەسە، كومپانيالار پايداسىنىڭ ءبىر بولىگى مەملەكەتتىك قولداۋ ارقىلى قالىپتاسقانىنا قاراماستان، ەڭبەكاقىنىڭ ءوسۋى باياۋ.
ۇكىمەت 2026 جىلى حالىقتىڭ ناقتى تابىسىن ارتتىرۋدى باستى باسىمدىقتاردىڭ ءبىرى رەتىندە بەلگىلەدى. وسى ماقساتتا جالاقىنى كوتەرۋگە ارنالعان قارجىلىق جانە سالىقتىق ىنتالاندىرۋ شارالارى ەنگىزىلەدى، لايىق جالاقىسى بار جاڭا جۇمىس ورىندارى قۇرىلادى، ازاماتتاردىڭ كاسىبي داعدىلارى مەن بىلىكتىلىگىن ارتتىرۋعا باسىمدىق بەرىلەدى. سونىمەن قاتار حالىقتىڭ قارجىلىق جۇكتەمەسىن ازايتۋعا باعىتتالعان باستامالار ىسكە اسىرىلماق.
