Májilis qaýipsiz eńbek jaǵdaiyn kúsheitý jáne jumysshylardyń quqyǵyn qorǵaýǵa baǵyttalǵan zań jobasyn birinshi oqylymda maquldady, dep habarlaidy Dalanews.kz.
Eńbek kodeksine jáne "Halyq densaýlyǵy jáne densaýlyq saqtaý júiesi týraly" kodekske ózgerister engiziledi.
Basty túzetý - eńbektiń aiqyn belgileri bolǵan jaǵdaida azamattyq-quqyqtyq sipattaǵy kelisimshartty (GPH) qoldanýǵa tyiym salý. Qazir kóptegen jumysshy "GPH" arqyly rásimdelip, eńbek demalysy, aýrýhana paraǵy jáne basqa da áleýmettik kepildikterden aiyrylyp otyr.
Eger jumys berýshi qyzmetkerdi "GPH" arqyly rásimdep, biraq onyń jumysynda eńbek shartynyń belgileri anyqtalsa, onda ol qujatty eńbek shartyna qaita rásimdeýge mindetteledi.
Eńbek ministrliginiń dereginshe, eńbek shartynyń negizgi úsh belgisi bar:
-
qyzmetkerdiń biliktilik nemese mamandyq boiynsha naqty fýnktsiia oryndaýy;
-
jumysty basshylyqtyń talaptaryna sai, jeke oryndaýy;
-
eńbekaqy alýy.
