Qazaqstanda galliige eksporttyq baj salyǵy alynyp tastalady. Tiisti buiryqty QR Saýda jáne integratsiia ministrligi ázirlep,2025 jyldyń 24 shildesinen 8 tamyzyna deiin Ashyq NQA portalynda kópshiliktiń talqysyna usyndy, dep habarlaidy Dalanews.kz.
"Qazaqstan Respýblikasynyń Saýda jáne integratsiia ministrligi 2025 jyldyń 10 shildesinde ótken Syrtqy saýda saiasaty jáne halyqaralyq ekonomikalyq uiymdarǵa qatysý máseleleri jónindegi vedomstvoaralyq komissiianyń tapsyrmasyn oryndaý sheńberinde, galliige qatysty qoldanystaǵy 10% mólsherindegi eksporttyq kedendik baj salyǵyn alyp tastaýdy kózdeitin buiryq jobasyn ázirledi", delingen ministrlik habarlamasynda.
Usynylyp otyrǵan ózgerister otandyq gallii óndirýshileri men eksporttaýshylary úshin jaǵdaidy jaqsartýǵa, sondai-aq qazaqstandyq ónimniń syrtqy naryqtardaǵy básekege qabilettiligin arttyrýǵa baǵyttalǵan.
Gallii – sirek kezdesetin metall, ol elektronika, jańartylatyn energetika jáne jartylai ótkizgishter óndirisi siiaqty joǵary tehnologiialyq salalarda suranysqa ie. Strategiialyq materialdarǵa jahandyq suranys artyp otyrǵanda eksporttyq baj salyǵyn alyp tastaý qazaqstandyq jetkizýshilerge halyqaralyq naryqtaǵy ahýalǵa jedel áreket etýge jáne jetkizilim geografiiasyn keńeitýge múmkindik beredi.
Atalǵan buiryq jobasy biznes úshin qosymsha ákimshilik nemese qarjylyq júktemelerdi kózdemeidi jáne eksporttyq resimdeýdi qaita qaraýdy talap etpeidi.
Qazaqstan Respýblikasy Saýda jáne integratsiia ministrligi Qazaqstan Respýblikasy Ulttyq ekonomika ministriniń 2016 jyldyń 17 aqpandaǵy №81 buiryǵyna "Shiki munai men munai ónimderine arnalǵan eksporttyq kedendik baj salyǵynyń mólsherlemesin esepteý qaǵidalarymen qoldanylý merzimderi jáne mólsherlemelerikórsetilgen eksporttyq kedendik baj salyǵyqoldanylatyn taýarlardyń tizbesin bekitý týraly" ózgeris engizý týraly Saýda jáne integratsiia ministriniń buiryq jobasyn jariialady.
Aita ketsek, bul sheshim álemdik naryqta atalǵan shikizat túrine degen tapshylyqtyń oryn alýyna bailanysty qabyldanyp otyr. 2023 jyldan bastap Qytai gallii tasymalyn shektep, saldarynan baǵa ósip ári jartylai ótkizgishter óndirisi salasynda dúrbeleń týyndaǵan.
