Májilis Senat engizgen fonogrammaǵa qatysty túzetýlerdi maquldady. Endi eldegi kontsertter men mádeni sharalarda fonogramma paidalanýǵa shekteý qoiylmaq, dep habarlaidy Dalanews.kz.
Jańa normalarǵa sáikes, eger ártister jazba arqyly óner kórsetetin bolsa, uiymdastyrýshylar bul týraly kórermendi aldyn ala habarlaýǵa mindetti.
Alaida tolyq tyiym salynbaidy. Teatr, tsirk jáne ózge de tehnikalyq turǵydan fonogramma qajet qoiylymdar úshin bul ereje qoldanylmaidy.
Budan bólek, zań buzǵandarǵa 1000 ailyq eseptik kórsetkishke deiin (shamamen 3,9 mln teńge) aiyppul salý qarastyrylǵan. Erejeniń oryndalýyn jergilikti atqarýshy organdar, iaǵni ákimdikter baqylaidy.
Túzetýler fonogramma máselesin ǵana emes, basqa da birqatar baǵytty qamtidy. Atap aitqanda:
– sheteldik baǵdarlamalar túlekteri úshin mindetti eńbek óteý merzimine keiinge shegerý engiziledi;
– halyqaralyq baiqaýlar jeńimpazdaryna birjolǵy syiaqy tóleý qarastyrylǵan;
– jeke bilim berý uiymdaryna ataý berý tártibi naqtylandy.
Osylaisha, jańa zań jobasy mádeniet pen bilim salasynda ashyqtyqty arttyrýdy jáne shyǵarmashylyq eńbektiń shynaiylyǵyn qoldaýdy maqsat etedi.
