ءماجىلىس سەنات ەنگىزگەن فونوگرامماعا قاتىستى تۇزەتۋلەردى ماقۇلدادى. ەندى ەلدەگى كونسەرتتەر مەن مادەني شارالاردا فونوگرامما پايدالانۋعا شەكتەۋ قويىلماق، دەپ حابارلايدى Dalanews.kz.

جاڭا نورمالارعا سايكەس، ەگەر ارتىستەر جازبا ارقىلى ونەر كورسەتەتىن بولسا، ۇيىمداستىرۋشىلار بۇل تۋرالى كورەرمەندى الدىن الا حابارلاۋعا مىندەتتى.

الايدا تولىق تىيىم سالىنبايدى. تەاتر، سيرك جانە وزگە دە تەحنيكالىق تۇرعىدان فونوگرامما قاجەت قويىلىمدار ءۇشىن بۇل ەرەجە قولدانىلمايدى.

بۇدان بولەك، زاڭ بۇزعاندارعا 1000 ايلىق ەسەپتىك كورسەتكىشكە دەيىن (شامامەن 3،9 ملن تەڭگە) ايىپپۇل سالۋ قاراستىرىلعان. ەرەجەنىڭ ورىندالۋىن جەرگىلىكتى اتقارۋشى ورگاندار، ياعني اكىمدىكتەر باقىلايدى.

تۇزەتۋلەر فونوگرامما ماسەلەسىن عانا ەمەس، باسقا دا ءبىرقاتار باعىتتى قامتيدى. اتاپ ايتقاندا:

– شەتەلدىك باعدارلامالار تۇلەكتەرى ءۇشىن مىندەتتى ەڭبەك وتەۋ مەرزىمىنە كەيىنگە شەگەرۋ ەنگىزىلەدى؛

– حالىقارالىق بايقاۋلار جەڭىمپازدارىنا ءبىرجولعى سىياقى تولەۋ قاراستىرىلعان؛

– جەكە ءبىلىم بەرۋ ۇيىمدارىنا اتاۋ بەرۋ ءتارتىبى ناقتىلاندى.

وسىلايشا، جاڭا زاڭ جوباسى مادەنيەت پەن ءبىلىم سالاسىندا اشىقتىقتى ارتتىرۋدى جانە شىعارماشىلىق ەڭبەكتىڭ شىنايىلىعىن قولداۋدى ماقسات ەتەدى.