Qazaqstanda jataqhana sıaqty paıdalanylyp júrgen eski úıler qatań baqylaýǵa alynbaq. Bul týraly Úkimet málimdedi, dep habarlaıdy Dalanews.kz.
Kóp jaǵdaıda mundaı úıler qujat júzinde jeke baspana retinde tirkeledi. Biraq shyn máninde birneshe adamǵa jalǵa berilip, jataqhana retinde qoldanylady. Bılik ókilderiniń aıtýynsha, bul tártipke de, qala ınfraqurylymyna da salmaq túsiredi.
Osyǵan baılanysty İshki ister mınıstrligine basqa vedomstvolarmen birge “kóleńkeli” jalǵa berýmen aınalysatyn úı ıelerine shekteý qoıý joldaryn ázirleý tapsyryldy. Al óńir ákimderine mundaı úılerdi tekserip, qujattaryn qaıta qaraý júkteldi.
Eske salaıyq, 2025 jyly Qazaqstanda apatty úıler sany 7%-ǵa ósip, 2,6 myńǵa jetken.
