قازاقستاندا جاتاقحانا سياقتى پايدالانىلىپ جۇرگەن ەسكى ۇيلەر قاتاڭ باقىلاۋعا الىنباق. بۇل تۋرالى ۇكىمەت مالىمدەدى، دەپ حابارلايدى Dalanews.kz.
كوپ جاعدايدا مۇنداي ۇيلەر قۇجات جۇزىندە جەكە باسپانا رەتىندە تىركەلەدى. ءبىراق شىن مانىندە بىرنەشە ادامعا جالعا بەرىلىپ، جاتاقحانا رەتىندە قولدانىلادى. بيلىك وكىلدەرىنىڭ ايتۋىنشا، بۇل تارتىپكە دە، قالا ينفراقۇرىلىمىنا دا سالماق تۇسىرەدى.
وسىعان بايلانىستى ىشكى ىستەر مينيسترلىگىنە باسقا ۆەدومستۆولارمەن بىرگە “كولەڭكەلى” جالعا بەرۋمەن اينالىساتىن ءۇي يەلەرىنە شەكتەۋ قويۋ جولدارىن ازىرلەۋ تاپسىرىلدى. ال ءوڭىر اكىمدەرىنە مۇنداي ۇيلەردى تەكسەرىپ، قۇجاتتارىن قايتا قاراۋ جۇكتەلدى.
ەسكە سالايىق، 2025 جىلى قازاقستاندا اپاتتى ۇيلەر سانى 7%-عا ءوسىپ، 2،6 مىڭعا جەتكەن.
