Buqtyrma sý qoimasynda Qazaqstandaǵy eń uzyn kópir ashyldy. Nysannyń ashylýyna premer-ministr Oljas Bektenov qatysty. Uzyndyǵy 1316 metr bolatyn eki jolaqty avtomobil kópirinen táýligine 80 myńǵa deiin avtomobil óte alady, dep habarlaidy Dalanews.kz.
Ótkelge 18 shaqyrym jańa jol tartyldy. Joba ozyq injenerlik tehnologiialardy qoldana otyryp jáne barlyq sapa standartyn saqtai otyryp júzege asyryldy.
Úkimet atap ótkendei, joba kólik bailanysynyń kópjyldyq problemasyn sheshýge baǵyttalǵan, kópir alty aýdandy: Kúrshim, Úlken Naryn, Marqakól, Katonqaraǵai, Tarbaǵatai jáne Zaisandy bailanystyrady.
Bektenovtyń aitýynsha, kólik qozǵalysyna kópir qaýipsiz jáne Shyǵys Qazaqstannyń áleýmettik-ekonomikalyq damýyna serpin beredi. Sondai-aq ol eldiń kólik-logistika salasynyń damýyna oń áser etedi.
"Jańa kópir memleket basshysynyń tapsyrmasymen turǵyndardyń jailylyǵy men qaýipsizdigin arttyrý maqsatynda salyndy. Sizder bilesizder, aimaqta 50 jyl boiy azamattar jazda parommen, sodan keiin qysta tikelei muz ústinde júrdi. Bul kópirdi jergilikti turǵyndar kópten kútti", - dep atap ótti Bektenov.
