Qazaqstan elektr energiiasy tapshylyǵyn eńserýge jaqyndap keledi, dep habarlaidy dalanews.kz.
Energetika ministrliginiń málimetinshe, biylǵy bes aida elde 53,6 mlrd kVt·saǵat elektr energiiasy óndirilse, tutyný kólemi 53,3 mlrd kVt·saǵat bolǵan. Iaǵni óndirilgen energiia kólemi tutynýdan shamamen 300 mln kVt·saǵatqa artyq.
Keiingi jyldary Qazaqstan ishki qajettilikti tolyq óteý úshin shetelden elektr energiiasyn satyp alýǵa májbúr bolǵan edi. Mysaly, ótken jyly elde shamamen 1,5 mlrd kVt·saǵat elektr energiiasy jetispegen.
Biylǵy kórsetkish eldegi elektr stantsiialarynyń turaqty jumys istep turǵanyn jáne halyq pen kásiporyndardyń suranysyn óz kúshimizben qamtamasyz etýge múmkindik artyp kele jatqanyn kórsetedi.
Bilik ókilderiniń josparyna sáikes, 2027 jyldyń basyna qarai elektr energiiasy tapshylyǵyn tolyq joiý kózdelgen. Al 2029 jylǵa qarai Qazaqstan elektr energiiasyn artyǵymen óndiretin elderdiń qataryna qosylmaq.
Bul úshin qoldanystaǵy elektr stantsiialary jańǵyrtylyp, jańa qýat kózderi iske qosylyp jatyr. Biyl tórt gaz elektr stantsiiasyn, birneshe kún jáne jel elektr stantsiiasyn, sondai-aq bir sý elektr stantsiiasyn paidalanýǵa berý josparlanǵan.
Osynyń nátijesinde eldiń energiiaǵa degen suranysyn tolyq qamtamasyz etip qana qoimai, energetikalyq táýelsizdigin nyǵaitýǵa da múmkindik týady.
