Qalalyq Din isteri basqarmasynyń basshysy Nurdáýlet Álmuhanov osy oraida "Qazaqstanda dini filmderge suranys bar ma?" degen saýalǵa jaýap berdi dep habarlaidy Dalanews.kz.
Onyń aitýynsha "Jumaq" filmi qysqametrajdy bolǵanymen, maǵynasy men mazmuny tereń, filosofiialyq týyndy. Film kópshiliktiń kóńilinen shyqqan.
"Filmge teris aǵymnyń arbaýyna túsip, ata-anasyna qarsy sóilep, dostarymen aralaspai ketken er azamattyń oqiǵasy arqaý boldy. Destrýktivti dini aǵymnyń tuzaǵyna túsip qalǵan ol Taiaý Shyǵysqa attanýǵa qamdana bastaidy.
Bul sońǵy jyldardyń asa ózekti problemasy. Filmdi azdaǵan ýaqyttyń ishinde millionǵa jýyq kórermen kórip shyqty. San alýan pikir jazyldy, olardyń keibirin qoiyn dápterimen túrtip aldym.
Ata-analar ul-qyzdarynyń radikaldy aǵymnyń jetegine erip ketpeýin, urpaǵynyń mundai jolǵa túspeýin tileidi. Sodan da bolar filmdi tamashalaǵan aýditoriianyń tarapynan mundai dúnieni mektep qabyrǵasynan bastap kórsetý qajet degen usynys aityldy", – deidi basqarma basshysy.
Onyń pikirinshe dástúrli emes dini aǵymdardyń azǵyrýyna ergen keibir azamattar salt-dástúrdi attap ótkisi keledi.
"Namaz oqymaǵandar shetinen kápir, ata-anań namazda bolmasa olar da osy sapta" dep kúni-túni qulaǵyna quiatyn qaýipti propagandanyń qulaqkesti qulyna ainalady. Sonyń saldarynan san ǵasyr boiy óziniń ómirsheńdigin joǵaltpaǵan qazaq ádebine degen qurmeti joǵalady.
"Radikaldy dini aǵymnyń túbegeili tutqyny bolyp qalǵan azamattar myna ómirden baqyt, mahabbat izdemeidi. Olar úshin soǵys ashý, osy janjalda shahid ataný basty murat. "Jumaq" filmi osyndai keiipkerdiń kúiik pen qatelikten turatyn ómirin baian etedi", – deidi ol.
Film jaryq kórgennen keiin "mundai kontent bizge kerek pe?" degen saýal qoiylǵan. Nurdáýlet Álmuhanovtyń aitýynsha dini salany zertteý, durys nasihat júrgizýde mundai ónim aýadai qajet. Sol arqyly qoǵamdaǵy problemalarǵa úńilip, kórermenge oi salasyz.
"Dini filmdi elge sabaq bolsyn degen nietpen túsirdik. Áleýmettik jelidegi derekkózi joq jalǵan dini aqparattyń tuńǵiyǵyna túsip ketken jastar bar, olar osy filmdi kórip aqylǵa keler dep oilaimyn.
Dini saýatsyzdyq – óte qaýipti qubylys.
Jastar dinniń atyn jamylǵan teris piǵyldaǵy tulǵalardy tyńdaýyn qoisa, kez-kelgen dini kontentti súzgiden ótkizse dep tileimin. Din áleýmettik jeliden oqi salatyn jeńil dúnie emes. Oǵan orasholaq qaraýǵa bolmaidy. Al dini aqparat alǵyńyz kelse, iKomek109 nómirine habarlasýyńyzǵa bolady", – deidi Nur-Sultan qalasy Din isteri basqarmasynyń basshysy.
