Qazaqstanda halyqaralyq olimpiadalar jeńimpazdaryn qoldaý maqsatynda "Bolashaq" baǵdarlamasy arqyly bakalavriat deńgeiinde oqytý qaita qolǵa alynady. Bul týraly Qazaqstan Senatynyń tóraǵasy Máýlen Áshimbaev málimdedi, dep habarlaidy Dalanews.kz.
"Qazirgi ýaqytta bakalavriatty qaita engizý týraly sheshim qabyldandy. Bul tek olimpiadalarda jeńiske jetken balalardy qoldaý úshin júzege asyrylady", – dedi Áshimbaev Senattyń plenarlyq otyrysynda mádeniet, bilim jáne tálimgerlik máseleleri boiynsha zań jobasyn talqylaý barysynda.
Senat tóraǵasynyń aitýynsha, "Bolashaq" baǵdarlamasyna qatysýǵa arnalǵan jańa erejeler engizilýde. Endi halyqaralyq olimpiadalar men baiqaýlardyń júldegerleri óz pánderi boiynsha úzdik sheteldik joǵary oqý oryndaryna bakalavriat deńgeiinde túse alady. Oqytý pánge sáikes mamandyqtar boiynsha júzege asyrylatyn bolady.
