Qazaqstanda 13-19 shilde aralyǵynda koronavirýs infektsiiasynan 210 adam qaitys boldy. Bul týraly densaýlyq saqtaý ministrligi habarlady.
Ótken aptada eń kóp adam ólimi Nur-Sultan (114), Almaty oblysynda (19), Túrkistan oblysynda (18) tirkelgen. Qaitys bolǵandardyń eń úlkeni - 1928 jyly, eń kishisi 1997 jyly týǵan.
Epidemiia bastalǵaly beri elde koronavirýstan barlyǵy 585 adam qaitys bolǵan:
- Nur-Sultan - 195
- Almaty qalasy - 54
- Shymkent - 31
- Aqmola oblysy - 31
- Aqtóbe oblysy - 18
- Almaty oblysy - 23
- Atyraý oblysy - 18
- Shyǵys Qazaqstan oblysy - 5
- Jambyl oblysy - 7
- Batys Qazaqstan oblysy - 22
- Qaraǵandy oblysy - 81
- Qostanai oblysy - 3
- Qyzylorda oblysy - 7
- Mańǵystaý oblysy - 23
- Pavlodar oblysy - 23
- Soltústik Qazaqstan oblysy - 8
- Túrkistan oblysy - 36
Qazaqstan 1 tamyzdan bastap qozdyrýshysy belgisiz ia zerthanada rastalmaǵan virýstyq pnevmoniiany koronavirýs statistikasyna qospaq. Jyl basynan 15 shildege deiin 234 myń adam pnevmoniiaǵa shaldyqqan, onyń 3,3 myńy qaitys bolǵan. Densaýlyq ministrligi munyń qanshasy qozdyrýshysy belgisiz belgisiz pnevmoniia ekenin aitpady.
